Ek vergewe jou jou kortsigtigheid, Magda
Magda skryf:
“Dit lyk my jy het nog nie die boodskap gekry nie... die NSA kon
nooit werk nie en sal ook nooit nie, terwyl daar 'n blanke in die
land is wat eiendom besit en een swarte wat dit nie besit nie, is
dit 'n mislukking vir swartes. Dit was net 'n illusie om julle dom
blankes gelukkig te hou terwyl die ANC blankes uitsuig
soos 'n
bosluis 'n ou brandsiek koei.”
Inteendeel Magda - 'n Bevredigende bedeling vir Afrikaners is juis
'n vereiste vir die NSA om te slaag. Die NSA hoef nie noodwendig op
ons afgedwing te word nie. Dit gaan van ons afhang of ons vernuftig
genoeg is om die omstandighede te bowe te kom. Indien nie, verdien
ons om in die geskiedenis anale te verdwyn.
Tweedens
beskou ek nie myself sodanig as 'n Blanke nie ― dis 'n ou
uitgediende term van die Apartheidsera. Ek is 'n Afrikaner - of Boer
dan as jy wil ― baie meer gekwalifiseerd as 'n Blanke. Verder is ek
waarskynlik een van die min hier op PRAAG wat “nee” gestem het vir
die NSA in FW se referendum omdat ek juis nie naïef genoeg is om my
pêrels vir die varke te gooi nie.
Magda: “En om
dit af te maak soos wat jy doen bewys maar net weereens aan my dat
daar te veel mense is soos jy wat soos die joiners van ouds die
vyand sal ondersteun want hulle is nog nie persoonlik geraak nie.
Daar is 'n ou gesegde: “ the wise man learn from others experience,
the fool learns from his own” ― kom ek belowe jou nou, tensy jy 'n
paspoort in jou gatsak het SAL jy iewers in die toekoms betaal vir
jou swakheid van gees. Maar my instink vertel my jy het lankal 'n
manier uit, dus sal dit verklaar waarom jy hierdie houdingtjie kan
bekostig.”
Ek vergewe jou
jou kortsigtigheid en eng visie van Afrikaners in die buiteland,
want ek is bevrees in baie gevalle is jy reg, maar daar is sommige
wat die opoffering maak om familie in SA te help bemagtig, werk te
verskaf aan Afrikaner arbeiders en te poog om 'n vasstrap plek in
die besigheids wêreld te kry juis om 'n beduidende verskil te
probeer maak, want as jy 'n leë maag het kan jy nie stry nie.
Joiner se Boer
Vaughn
boontoe
